Author: khanuul

Хан-Уул дүүргийн нэгдсэн эмнэлгийн дарга Т.Энхзаяа Эрүүл мэндийн төвийн гемодиализийн тасгийн үйл ажиллагаатай танилцаж, цаашид дэмжиж өргөжүүлж хамтарч ажиллахаар боллоо.

Хан-Уул эрүүл мэндийн төвийн дарга А.Сувдаагийн урилгаар Худалдаа хөгжлийн банкны төлөөлөл, захирлууд зочиллоо. Банкны талаас эмч эмнэлгийн мэргэжилтнүүдийн санхүүгийн асуудалд зөвлөх үйлчилгээ өгөх болон даатгал, ипотек, цалингийн зээлийн хүсэлт зэрэг асуудлуудаар дэмжиж түргэн шуурхай хөнгөлөлт дэмжлэгтэйгээр хамтарч ажиллахаар зөвшилцлөө.

Эрүүл мэндийн төвийн дарга А.Сувдаад Сувилахуйн албаны дарга Б.Халиунгэрэл Олон Улсын Сувилагчийн өдрийг угтан хийх ажлын төлөвлөгөөний явцыг танилцуулж, Эрүүл мэндийн сайдын 2024 оны А/189 тоот тушаалын хэрэгжилтийг ханган ажиллах талаар мэдээлэл өгч ярилцлаа. Мөн Эх баригчдын өдрийг угтан “Эх баригч хүмүүнлэгийн элч” уриан дор явагдах улсын зөвлөгөөнд оролцогчдыг сонголоо.

Хан-Уул Эрүүл төвийн эмч эмнэлгийн мэргэжилтний хөдөлмөрийн эрх зүй, гэрээ хэлцэл, шүүхийн маргаан, хуулийн байгууллагатай холбогдох асуудлаар хууль зүйн туслалцаа дэмжлэг үзүүлэх чиглэлээр хамтарч ажиллахаар боллоо.

Хан-Уул эрүүл мэндийн төвийн дарга А.Сувдаа, тархвар судлаач Ө.Ариунжаргал, тархвар судлаач А.Түвшинтогтох нар Хөдөлмөрийн аюулгүй байдал, эрүүл ахуйн дүрэм, гэмтэл түлэгдэлтийн үед авч хэрэгжүүлэх анхан шатны арга хэмжээ, хачигт энцефалит өвчин, урьдчилан сэргийлэх арга хэмжээ, дархлаажуулалтын ач холбогдол, шар усны үерийн дараах авч хэрэгжүүлэх арга хэмжээ сэдвүүдээр танхимын сургалт зохион байгууллаа.