Мэдээ мэдээлэл

Хан-уул эрүүл мэндийн төвийн дарга А.Сувдаа мэдрэлийн мэс заслын зөвлөх эмч Х.Хусьяан эмчтэй уулзалт хийж эрүүл мэндийн төвд мэс заслын хагалгааны хэсэг байгуулах, эмч нарыг ажлын байран дээр сургах чиглэлээр хамтарч ажиллах санал зөвлөлдөв. Х.Хусьяан эмч нь Хан-Уул дүүргийн иргэдийн мэдрэлийн мэс заслыг зөвлөж хариуцаж ажилладаг манай эрүүл мэндийн төвийн зөвлөх эмч юм.

Хан-Уул дүүргийн ЗДТГ, ОБКомиссоос зохион байгуулсан “Ой хээрийн гал түймрээс урьдчилан сэргийлэх дадлага сургалтад Эрүүл мэндийн төв нь 8 эмч, эмнэлгийн мэргэжилтний бүрэлдэхүүнтэй хамрагдаж, 2 төрлийн кейс дээр эмнэлгийн тусламж үзүүлж ажиллалаа. Мөн хээрийн түймэр унтраах 2 удаагийн дадлага сургалтад болон тэмцээнд амжилттай оролцлоо.

Монгол Улсын ерөнхийлөгчийн зарлигаар Эрүүл мэндийн төвийн хүүхдийн эмч Т.Дэлгэрмаа Алтангадас одон, Шүдний эмч Г.Төрбат, Лаборант Х.Саранчимэг нар Хөдөлмөрийн хүндэт медаль, Лаборант С.Сайханбаяр Хан-Уул дүүргийн хүндэт иргэн цол тэмдгээр тус тус шагнагдлаа. Шагналын эзэддээ хамт олны зүгээс халуун баяр хүргэе.

Эрүүл мэндийн төвийн үйл ажиллагаандаа олон улсын ISO 9001:2015 стандарт нэвтрүүлснээр иргэндээ үйлчилдэг, мэргэшсэн, чадварлаг, ил тод, үр нөлөөтэй, ухаалаг үйл ажиллагааг иргэддээ үзүүлэх юм.

Хан-Уул эрүүл мэндийн төвийн дарга А.Сувдаагийн урилгаар Hanjing Hoyo Health Management Group -ийн ерөнхий менежер Qin Liu эрүүл мэндийн төвд зочиллоо. Хатагтай Qin Liu эрүүл мэндийн төвийн үйл ажиллагаатай танилцсан бөгөөд цаашид эмч ажилчдын эрдэм шинжилгээ судалгааны ажилд БНХАУ -д урт хугацаанд суралцаж туршлага хуримтлуулах боломж бүрдүүлэн хамтран ажиллахаар боллоо.