Эрүүл мэндийн сайдын 2019 оны 04 дүгээр сарын 12-ны өдрийн 10 дугаар тоот албан даалгаврын хүрээнд Хавдар судлалын үндэсний төв /ХСҮТ/, Хаанбанк сан, Монголын үндэсний олон нийтийн радио телевиз /МҮОНРТ/ хамтран "Хавдрын эсрэг үндэсний аян-2019"-ыг 9 дэх жилдээ Эрүүл мэндийн яамны дэмжлэгтэй зохион байгуулж байна.
"Хавдрын эсрэг үндэсний аян-2019”-аар эрсдэлт бүлгийн хүн амын дундаас хорт хавдрыг эрт үед нь илрүүлэх үзлэг хийх, хавдрын чиглэлээр мэргэжил арга зүйн зөвлөгөө өгөх, эмнэлгийн эмч, мэргэжилтэнд сургалт зохион байгуулах, ажлын байранд дагалдуулан сургах, хорт хавдраас сэргийлэх талаар мэдээлэл сурталчилгааны ажлуудыг ар иргэдийн дунд зохион байгуулж хамтран ажиллах юм.
